مش مسموح بقلم الشاعر محمد عباس أبو عمر

(( ) مش مسموح ( ))
■□■□■□■□■□

مسروق مني قلبي الخالي
حد يدور تاني معايا 
ليه يا قلبي تكون وحداني
ونار البعد تقيد جوايا

هو مين خلاك تهاجر
وتسيب مكانك اللي راعيته
ارجع تاني بلاش تسافر
وانسى وهم أنت اشتريته

ليه تقول جمالها ساحر
و العيون الشوق ماليها
أوعى تغرك نظرة عيونها
ولمسه حانيه من ايديها

أبعد يا قلبي عن الغرام
وانسى كلام سمعته منها
اكيد شوية إهتمام
ويروح أوام ببعدي عنها

قالوا زمان العين بتعشق
كل جميل يمر بيها
لكن بسرعة تنسى المودة
لما يغيب يوم عن عنيها

ليه بتهوى كل خادع
وتقلب تاني المواجع
ارحم دمعي وخفف همي
وفرح عيني بكلمة راجع

عقلي قالها بكل وضوح
لو كنت هعيش بدون القلب
مش مسموح أبات مجروح
وتدبح روحي بإسم الحب

♡♡♡♡♡♡♡♡♡♡♡♡♡
شعر ////
محمد عباس أبو عمر