لماااا ••• كنا لمة **** حلايب يناير 2017
زينة البيت الحنووووونة كنتي يمه
كان ليا جدة ••• حيطة وكل رووسنا عليها ساندة
ليها حبايب رايحة جاية بالمودة
وكان ليها بنت اخت ابويا •• بس جامدة
نفرح لما تهل علينا ونقوللها
مراحب بيكي ياعمة
ده لماااا •• كنا لمة
زينة البيت الحنووووونة كنتي يمه
كان ليا جدة ••• حيطة وكل رووسنا عليها ساندة
ليها حبايب رايحة جاية بالمودة
وكان ليها بنت اخت ابويا •• بس جامدة
نفرح لما تهل علينا ونقوللها
مراحب بيكي ياعمة
ده لماااا •• كنا لمة
كان لينا أب تقولش كان ليه جناحات
كان يطفح الكوتة ويرجع بالحاجات
نرمح نشيل شنطة أبونا لجدتي
لعمود بيت الذكريااات
وبإيد حنونة ومن سوكاات
تشاورلي •• تعا يا محمد وتنده عالبنات
خد دوول قوااام مش ليك•• وديهم لبيت فلان وبيت فلان
وندووور نوزع للجيران
بلح •• دوم •• حب عزيز ورومااان
ونرجع تقوللي •• خد دول وديهم لبيت العمة
ده لماااا ••• كنا لمة
كان يطفح الكوتة ويرجع بالحاجات
نرمح نشيل شنطة أبونا لجدتي
لعمود بيت الذكريااات
وبإيد حنونة ومن سوكاات
تشاورلي •• تعا يا محمد وتنده عالبنات
خد دوول قوااام مش ليك•• وديهم لبيت فلان وبيت فلان
وندووور نوزع للجيران
بلح •• دوم •• حب عزيز ورومااان
ونرجع تقوللي •• خد دول وديهم لبيت العمة
ده لماااا ••• كنا لمة
ياسلاااام يارب نرجعلو زماااان
بيت اخضر مسقوف محبة •• مش زعف ولا جريد
والضيف يهل كنو عيد
نجري ونلبسلو الجديد
وكنا نضحك بصوووت وااااطي لكن بذمة
ده لمااا •• كنا لمة
بيت اخضر مسقوف محبة •• مش زعف ولا جريد
والضيف يهل كنو عيد
نجري ونلبسلو الجديد
وكنا نضحك بصوووت وااااطي لكن بذمة
ده لمااا •• كنا لمة
وجيرااان تهادي و عيااال تنادي
وفرح جيرااانا يبق لمة والدعوة عااامة
وكلنا ف الفرح واحد
حاضرين مناقصش واحد
كله بيخدم بهمة •• والكل فرحااان بذمة
ده لمااا •• كنا لمة
وفرح جيرااانا يبق لمة والدعوة عااامة
وكلنا ف الفرح واحد
حاضرين مناقصش واحد
كله بيخدم بهمة •• والكل فرحااان بذمة
ده لمااا •• كنا لمة
ولو جارك حزن متبقاش سعيد
نطفي تلفزيونا لحسن يسمعه من بعيد
قالولنا عيب •• صلو لازم يشيلنا همه
ده لمااا •• كنا لمة
نطفي تلفزيونا لحسن يسمعه من بعيد
قالولنا عيب •• صلو لازم يشيلنا همه
ده لمااا •• كنا لمة
وخشم بيتنا مداااان كبير
كنا نرمح ونلعب لما نتعب الغني ويا الفقير
ابن بيه •• ابن افندي ٠• ابن عمدة او غفير
براسه أو لابسلو عمة
ده لمااا •• كنا لمة
كنا نرمح ونلعب لما نتعب الغني ويا الفقير
ابن بيه •• ابن افندي ٠• ابن عمدة او غفير
براسه أو لابسلو عمة
ده لمااا •• كنا لمة
حتى البنات
تاجي وتلعب معانا ومن سكات
ملمومين تقولش سوق "التلات"
وماكناش نعرف يعني ايه كلمة بنات
لانعرف حاجات ولامحتاجات
غير همن تمام زي الخوااات
زي بت خال وبت عم وبت عمة
ده لماااا ••• كنا لمة
تاجي وتلعب معانا ومن سكات
ملمومين تقولش سوق "التلات"
وماكناش نعرف يعني ايه كلمة بنات
لانعرف حاجات ولامحتاجات
غير همن تمام زي الخوااات
زي بت خال وبت عم وبت عمة
ده لماااا ••• كنا لمة
الأصول منخطوهاش •• عالحاضر واللي مجاش
عوايدنا و مننسوهاش
آاه يادنيا •• ضيعتي لمين فينا همو
ضاع خاله وضاع عمه وابن عمة
حتى ولدي •• ضاع مني ومش لاقيه
ونبينا محمد زعلان عليه •• وهوا ولا حد همو
هيا دي عيشة بالذمة
عوايدنا و مننسوهاش
آاه يادنيا •• ضيعتي لمين فينا همو
ضاع خاله وضاع عمه وابن عمة
حتى ولدي •• ضاع مني ومش لاقيه
ونبينا محمد زعلان عليه •• وهوا ولا حد همو
هيا دي عيشة بالذمة
متى يرجع تاني الحنان
ياهل ترى ممكن نعيشها زي زمان
وبدل منبكي عاللي فات
ونعيش العمر حبة ذكريات
لازم نعيشها إحنا .. مش أنا
نبني جوانا اللي انهدم
ندي الفقير واللي اتحرم
تكسيه دفا من بردها ويلقانا ضلة فحرها
ونرفع الحب فقلوبنا علم
مش بس نحج و نطوف بالحرم
وتنزاح من فوق الصدر غمة
ويرجع البيت الكبير له رنة
ونرجع زي زمان تاني لمة
وكان ياما كان •• كناااا لما كنا لمة
*
* محمد الأشقر
نادى أدب الأقصر
ياهل ترى ممكن نعيشها زي زمان
وبدل منبكي عاللي فات
ونعيش العمر حبة ذكريات
لازم نعيشها إحنا .. مش أنا
نبني جوانا اللي انهدم
ندي الفقير واللي اتحرم
تكسيه دفا من بردها ويلقانا ضلة فحرها
ونرفع الحب فقلوبنا علم
مش بس نحج و نطوف بالحرم
وتنزاح من فوق الصدر غمة
ويرجع البيت الكبير له رنة
ونرجع زي زمان تاني لمة
وكان ياما كان •• كناااا لما كنا لمة
*
* محمد الأشقر
نادى أدب الأقصر
ليست هناك تعليقات:
إرسال تعليق