ال ...ورا.... الكواليس بقلم الشاعر شريف ممدوح

ال ...ورا.... الكواليس
أرواح متاعيس
في الدور محابيس
و الهم... وصول ..ـ
شِباك ... جماهير 
كومنت و شير
و غموس و فلوس
او كرسي وزير
حواليه قاعدين
حبة طراطير

منهم مشهور
و فيهم مكسور
و فيهم موهوم ... عشق التفاصيل
ف بكل غرور ... بيعدي يدوس
على حلم كتير ...

ال ورا الكواليس
دباديب .... بهاليل
أشباح ..كوابيس .
العقل مفيش ..
و ضمير بقشيش
في ضلام عايشين
زي الخفافيش
الدور مظبوط ..مكياچ و رتوش
و سيناريو بليد .. لكن مطلوب
العرض في اخره
و خلاص خلاويص
اختار لك دور
الأحلى تعيش .... كومبارس بريء
أو ممكن تبقى .... بطل شرير
#شريف ممدوح