..شوية..غزل..بقلم يوسف م. شحرور

💟💖💞...شوية..غزل..💞💖💞
*عامية*
يا أم العباية...حلوة عباتك
ع خدك شامة...تزيد بحلاتك
شفايفك خمرة...يا ما احلى جمالك
غنيلي ولو مرة...وزيدي بدلالك
انت يا سمرا...السمار بيحلالك
عيونك فيهن نظرة...بترمي حسادك

يا حاملي الجرة...ما اطيب مياتك
يا اجمل زهرة...نيال اللي شمك
خليكي قبالي...خليني ضمك
تعالي جنبي...لأسمع همساتك

يا لابسي الشال...غطيني بشالك
إسكبيلي الخمرة...لأشرب من كاسك
هزيلي بخصرك...لأرقص ع الحانك
أوميلي بإيدك...انا من عبيدك
لو طلبت القمر...القمر بيجيلك

يا سهراني الليل...قوليلي شو ببالك
لا تحلمي كتير...خذيني بحلمك
نصبتك اميرة...ولبستك تاجك
من نور الشمس...ضفاير غزلتلك
ع قد الشوق...كتير اشتقتلك

--بقلمي: يوسف م. شحرور