" مليش غيرك """ الشاعر / السيد محمد محمود محمد الشهير باسم / السيد محمود

""" مليش غيرك """""""

مليش غيرك انا همك و
انا فرحك و كل الدنيا لو
غابت و انا جنبك و لا يهمك

لو زعلان يزيد همك و لو
بضحك كل الدنيا تضحك لك
عاجز يا أما عن وصفك

انا منك انا اتكونت من دمك
و من لحمك و من عضمك
انا موجود هنا بسببك

تسع شهور و انا ساكن
هنا ضلعك دقة بدقة من
قلبك انا سامعك

نفسي باخده من نفسك
حياتي كلها منك رضا
الرحمن يا أمي مرهون
بالرضا منك

نبينا يا اما وصانا و قال امك
و كررها تلات مرات و قال
خايب و قال خسران اللي
يكون بعيد عنك

و رب العزه وصانا و حذرنا
من العصيان و قال الجنة
مرهونة بقدم يا أما من
قدمك

حقك يا أما تتشالي ما بين
النن و النني و حقك يا اما
ارعاك و ابوس ايدك مهما
كبر سنك

بحب الشعر و المواويل و
لما كتبت عن فضلك لقيتني
لسه بتعلم

بحب الشعر و المواويل و لما
كتبت عن ألمك لقيتني اخرص
ما بتكلم

لقيت قلمي سخر مني انا
عاجز و مش هكتب وبعجزك
انت انا مسلم

مفيش معنى يليق بيها و
لا شعرك و لا حبري لا
هياخر و لا يقدم

اللي يليق بيها و يوصفها
كلام الله في القرآن بلاش
كبر و اتوضا

أفتح كتاب الله و شوف
ازاي رب الكون كرمها
و شرفها

سم الله و أقرأ في لقمان
وهنا على وهن و شوف
ازاي رب الكون صور معانتها

بقلم الشاعر / السيد محمد محمود محمد
الشهير باسم / السيد محمود
الأربعاء